لاہور: پنجاب یونیورسٹی کے شعبہ فلم اینڈ براڈکاسٹنگ (اسکول آف کمیونیکیشن اسٹڈیز) نے ایک بڑی کامیابی حاصل کر لی ہے۔ حکومتِ پنجاب نے طلبا کی تیار کردہ فیچر فلموں کی سپورٹ کے لیے 3 کروڑ روپے کے خصوصی “فلم فنڈ” کی منظوری دے دی ہے۔

نوجوان فلم سازوں کے لیے نئے افق

چیئرپرسن ڈاکٹرلبنی ظہیر کاکہنا ہے کہ اس اہم اقدام کا مقصد طلبا کو پروفیشنل فلم سازی کے عملی مواقع فراہم کرنا ہے۔ اب یونیورسٹی کے طلبا محض شارٹ فلموں تک محدود نہیں رہیں گے بلکہ اب وہ مکمل دورانیے کی (Full-length) فیچر فلمیں تیار کر سکیں گے۔
آئیڈیا سے لے کر سکریننگ تک، تمام مراحل کی قیادت خود کریں گے۔ فلم انڈسٹری کے جدید تقاضوں کو عملی طور پر سیکھ سکیں گے۔
یہ فنڈز ہمارے طلبا کی تخلیقی صلاحیتوں کو نکھارنے اور انہیں عالمی سطح پر متعارف کروانے میں سنگ میل ثابت ہوں گے۔

چیئرپرسن شعبہ فلم اینڈ براڈکاسٹنگ پروفیسرڈاکٹرلبنی ظہیرنے گرانٹ کی منظوری پر وزیراعلی مریم نوازشریف اور سینئیرصوبائی وزیرمریم اورنگزیب کا شکریہ ادا کیا۔ اور کہا کہ حکومت کا تخلیقی شعبوں اور نوجوانوں کی فلاح و بہبود کے لیے یہ تعاون قابلِ ستائش ہے۔

یہ بھی پڑھئیے: پروفیسرڈاکٹرلبنی ظہیر کی چیئرمین ہائیرایجوکیشن پاکستان سے ملاقات

فلم انڈسٹری پر اثرات

فلم اور تعلیم کے شعبے سے وابستہ ماہرین کا ماننا ہے کہ اس ترقیاتی اقدام سے درج ذیل مثبت نتائج حاصل ہوں گے:
1. جدت پسندی: نئے ٹیلنٹ کو نئے خیالات پر کام کرنے کی آزادی ملے گی۔
2. تعاون پر مبنی سیکھنا: طلبا ٹیم ورک کے ذریعے بڑے پراجیکٹس مکمل کرنا سیکھیں گے۔
3. عالمی رسائی: پاکستانی طلبا کا کام اب قومی اور بین الاقوامی فلم فیسٹیولز میں پیش کیا جا سکے گا۔
یہ پیش رفت پاکستان میں ایک متحرک، پائیدار اور عالمی سطح پر مسابقتی فلمی کلچر کو فروغ دینے کے عزم کا منہ بولتا ثبوت ہے.

پروفیسرڈاکٹرلبنی ظہیرکی فلم ڈیپارٹمنٹ کے لیےدیگر کاوشیں:
ڈیپارٹمنٹ کےطلباوطالبات کےلیےمیرٹ بیسڈ اور دیگر اسکالرشپس کا اہتمام
شعبے کےلیے مختص جدید کمپیوٹرلیب کا قیام
لیپ ٹاپ اسکیم کےلیے ڈیپارٹمنٹ کےاسٹوڈنٹس کی رہنمائی
رواں سال جنوری میں‌ رنگارنگ “دیکھوفلم فیسٹول” کا کامیاب انعقاد